--Ads--
Dumanunen iti 14 dagiti nasarakan a bangkay iti narba a pasdek idiay Angeles City, Pampanga.
Sigun iti Bureau of Fire Protection (BFP) ti Central Luzon, nasarakan ti maika-14 a bangkay iti 11:20 idi Lunes, June 01, 2026.
Immuna a nasarakan ti bangkay ti maika-13 a biktima iti pasado 12:59 p.m iti kapada nga aldaw.
Sigun iti maseknan a city government, agtultuloy ti panangipaayda iti tulong ken suporta kadagiti pamilia a naapektaran iti nasao nga insidente.
Malaksid iti dayta, situtulok ti makinkukua iti pasdek a tumulong kadagiti biktima ken ikagkagumaanna ti mangisayangkat iti kanayunan nga imbestigasyon.
Maipalagip a nasurok makalawas ti napalabas, sipud narba ti pasdek kabayatan ti konstraksion daytoy idi May 27, 2026.
