Nabilin nga agbayad iti P11.49 million ti kontraktor iti narba a pasdek sadiay Angeles City, Pampanga.
Sigun iti Department of Labor and Employment (DOLE), saan nga ipapaay ti Golden Years Construction and Steelworks Corporation ken ti makinkukua iti pasdek a ni Ernest Jackson Lim ti benepisio dagiti trabahador.
Malaksid iti dayta, nilabsingda ti occupational safety and health (OSH) uray sakbay ti pannakarba ti pasdek.
Impeksa ti ahensiya a nairaman iti nasao a gatad ti P1.17 million a saan a nabayadan a tangdan bayat ti Work Stoppage Order (WSO), kurang a sueldo, saan a nabayadan a rest day premiums ken holiday pay ken ti P10.32 milion nga administrative fines kadagiti panaglabsing iti OSH.
Nagtaud ti desision iti resolusion a pinirmaan ni DOLE Secretary Francis Tolentino idi Agosto 17.
Naduktalan pay a naisubmitir dagiti peke ken invalid certificates para iti project’s first aider ken safety officer.
Nabilin a bayadan dagiti respondents ti monetary award ken administrative fines iti uneg ti 10 nga aldaw kalpasan a naawatda ti resolution.
Maipalagip a narba ti siam a kadsaaran a pasdek a maibangbangon sadiay Pampanga idi Mayo 24, 2026 a nakatayan ti 30 a tattao.
