Narugianen ti programa a ““Benteng Bigas, Meron Na!” ti mannarimaan nga administrasyon.
Kas paset iti nasao a programa, rinugian ti Department of Agriculture (DA) ti barangay-level rollout ti P20.00 kada kilo a bagas idiay Davao City.
Indauloan daytoy ni Assistant Secretary for Agribusiness, Marketing ken Consumer Affairs Genevieve Velicara-Guevarra, kadua dagiti nagduduma a barangay officials pakairamanan dagiti representatibo ti National Food Authority (NFA) ken Food Terminal Corporation (FTI).
Sigun kenni Guevarra, napateg ditoy ti pannakimaymaysa ti lokal a gobyerno tapno masigurado a makadanon dagiti subsidized rice kadagiti target beneficiaries kas kadagiti indigent, senior citizen, persons with disablities, minimum wage earner ken solo parents.
Mainaig ita dayta, inlawlawagna a makatulong ti Benteng Bigas Masterlist Registry system, maysa nga online registry dagiti benepisyo tapno naparpartak ti pannakaberipikar kadagitoy.
Panggep met ti gobyerno nga benepisyo ti agarup 60 milyon a Pilipino iti daytoy a programa no sadino agtuloy agingga inton Hunyo 2028.// BomboKarenCalpoeSapirao
