Mangipaayen ti Department of Social Welfare and Development – Cordillera Administrative Region (FO CAR) ti P5,000 Cash Relief Assistance para kadagiti jeepney drivers no sadino manamnama a maipayaan ti agarup 6,670 a benepisyaryo iti rehiyon.
Inwaragawag ti nasao nga ahensiya a maipatungpal dagiti payouts kadagiti nagduduma a siudad ken probinsya kadagiti sumaganad a petsa:
- Mayo 4, 2026 – Baguio City (3,868 benepisyaryo) idiay Baguio Convention Center
- Mayo 5, 2026 – Benguet (2,372) idiay Wangal Sports Complex, La Trinidad
- Mayo 5, 2026 – Ifugao (11) idiay SWAD Office, Lagawe
- Mayo 7, 2026 – Abra (131) idiay SWAD Office, Banguet
- Mayo 7, 2026 – Kalinga (157) idiay TESDA Gymnasium, Tabuk City
- Mayo 7, 2026 – Mountain Province (131) idiay Provincial Multipurpose Building, Bontoc
Tapno masigurado ti organisado a payout, ipatungpal ti nasao nga ahensiya ti sistema kas iti numbering, batching, ken beripikasyon, banag nga epektibo kadagiti napalpabas a payout dagitoy.
Dagiti opisyal a listaan ti nagan dagiti drayber ket maniupud iti validated data nga insumitir ti Land Transportation Franchising and Regulatory Board.
Addanto met ti DSWD- LGU Help Desk a mabalin nga asitgan dagiti awan ti naganna iti listaan.
Mapalpalagipan amin dagiti draybers nga alaenda dagiti valid Original Driver’s License ID da ken maysa a photocopy daytoy. //bombokaren.c.s
