--Ads--
Imbutaktak ti maysa nga empleyado ti SYMS Construction a daytoy mismo ti nangideliver iti P299 million a kuarta iti opisina ni sigud a Department of Public Works and Highways (DPWH) Assistant District Engineer Brice Hernandez.
Ti nasao a gatad ket maaramat kuma para iti konstraksyon ti lima a government contracts ti SYMS.
Sigun kenni Monica Ocampo-Santos, SYMS liaison officer, karaman iti P299 million ti P74 million nga inala ni Hernandez iti P92.8 million a maipagarup a ghost project sadiay Pandi, Bulacan.
Innayon ni Ocampo-Santos a naikabil dagiti kuarta iti karton ti soy sauce, junk foods, noodles, ken kape.
