Nailatang ti P58.53 billion a pondo para iti Local Government Support Fund (LGSF) iti naisingasing a 2027 national budget.
Panggep daytoy a mapondoan ti development programs iti nagduduma a paset ti pagilian.
Sigun kenni Executive Secretary Ralph Recto, daytoy ti kadakkelan nga alokasion para iti LGSF iti pakasaritaan ti Pilipinas.
Karaman kadagiti programa a mapondoan ti LGSF ket ti 10-kilo free rice iti tunggal dua a bulan, farm-to-market roads, water systems, health facilities ken multipurpose buildings a mabalin a maaramat kas evacuation centers.
Malaksid iti dayta, dumanon iti P1.4 trillion ti bingay dagiti local government units iti national taxes inton tawen 2027.
Ti kadakkelan a paset ti national tax allotment ket maipaay iti 1,491 a munisipyo no sadino, makaawat dagitoy iti P448.70 billion.
Kabayatanna, agdagup iti P303.56 billion ti mapan iti 83 a probinsia, P303.56 billion iti 149 a siudad ken P263.97 billion iti 41,912 a barangay iti intero a pagilian.
