--Ads--
BAGUIO CITY – Pinarut ken inuram dagiti otoridad ti P64,000 a gatad ti marijuana iti insayangkatda a marijuana eradication sadiay Bangaw, Kayapa, Bakun, Benguet.
Sigun kadagiti otoridad, nadiskobreda ti 320 a pidaso ti marijuana plants iti bantay iti nasao a lugar.
Naamuan nga aglawa iti 150 metro kwadrado ti nakaimulaan dagiti nasao nga iligal a mula.
Insayangkat dagiti personnel ti Bakun Municipal Police Station ken ti Provincial Intelligence Branch ti Benguet PNP ti nasao nga operasyon.
Manarimaan met ti panangsawar dagiti operating personnel iti dadduma a disso ti bantay sadiay para iti dadduma a pagmulaan ti marijuana. (-with Bombo Brigitte Marcasi)
