Binabalaw ni Sen. Ping Lacson ti P700 million a maatap a gastos ti Senado iti las-ud laeng ti 28 nga aldaw ni Sen. Alan Peter Cayetano kas Senate President.
Sinungbatan met daytoy ni Sen. Cayetano babaen iti social media live idi Huebes, June 18, 2026.
Sigun kenni Cayetano, awan ti basaran ti alegasyon ni Lacson kontra kenkuana.
Kabayatana, binabalaw metlaeng ni Cayetano dagiti agkabsat a da Senator Raffy Tulfo ken Senator Erwin Tulfo.
Sigun iti Senador, mairamraman dagiti agkabsat a Tulfo iti panangbabalaw kenkuana.
“Ni-reveal niya parang pang-iintriga kasi magaling naman sila mang-intriga. Nagta-take turns lang naman po si Raffy Tulfo, si Erwin Tulfo, si Senator Ping Lacson. Tag team lang ‘yun, ‘Oh kayo naman mang-inis kay Alan,’” sigun kenni Sen. Cayetano
Maipalagip a nabotosan ni Cayetano kas Senate President idi Mayo 11 kalpasan a nakagun-od ti majority bloc ti 13-11 a butos kontra iti liderato idi ni Senador Vicente “Tito” Sotto III.
Nupay kasta, sinukatan daytoy ni Senator ken agdama a Senate President Sherwin Gatchalian kalpasan a nag-convene ti Senado idi Mierkules, June 17, 2026.
