BAGUIO CITY – Pakabuklan a P740,000 a gatad ti marijuana ti nadiskobre dagiti otoridad iti anti-illegal drug operation idi November 4 agingga November 7 sadiay Kibungan, Benguet.
Immuna a nadiskobre ti 300 a pedaso ti marijuana seedlings nga aggatad iti P12,000 sadiay Sitio, Bacbacan, Brgy Poblacion.
Nadiskobre metlaeng iti nasao a lugar ti 2,840 a pedaso ti fully grown marijuana plants nga aggatad iti P568,000 manipud iti tallo a plantasion nga addaan kalawa a 780 square meters.
Simmaruno a nadiskobre ti 4,000 a pedaso ti marijuana seedlings nga aggatad iti P160,000 iti dua a plantation site nga addaan kalawa a 800 square meter sadiay Sitio Aos, Brgy Tacadang.
Nadadael ken nauram amin dagiti marijuana seedling iti disso a nakadiskobrean ken nakaparotan dagitoy.
