Agkasapulan ti Egypt iti Filipino Nurse a mangsanay kadagiti Nurse dagitoy kalpasan ti panagtaripnong dagiti opisial iti Pilipinas ken Egypt.
Panggep ti Egyptian Government a maadal ti kinalaing dagiti Pinoy Nurse nga in demand kadagiti dadduma a pagilian kas iti Amerika, Canada, ken sadiay Middle East.
Kagiddan daytoy, nagpinnirma ti Egypt ken National Commission on Muslim Filipino iti training agreement.
Iti sidong ti nasao a katulagan, maipatulod ti Filipino imam ken jurists sadiay Egypt tapno sanayen ken isuruda ti maipapan iti Sharia wenno Islamic Law.
Kabayatanna, patibtibkeren iti gobierno ti Pilipinas ti relasion ti pagilian iti Lithuania seknan iti panagala dagitoy iti Pinoy workers.
Sigun iti Department of Migrant Workers, ad-adda a nangato ti demand ti dagiti Filipino Workers sadiay Lithuania partikular iti nagduduma a sektor kas iti transportasyon, maritime, construction, food services ken dadduma pay.
