Agladladingit ita ti pamilya ti nalmes a a 59-anyos a minero iti Ambalanga River, Benguet idi laeng napalabas a lawas.
Nabigbig ti biktima a ni Pablo Mariano Ciano, maysa nga small-scale miner ken residente idiay Sitio Ambolo, Barangay Poblacion, Itogon, Benguet.
Maibasar iti report manipud iti Itogon Municipal Police Station, nagturong ti biktima iti nasao a karayan iti oras ti alas dos iti malem iti metlaeng nadakamat nga aldaw tapno idulin dagiti usar daytoy nga agminmina.
Saan a bimmayag sinurot metlaeng ti anak daytoy a ni Amor Panangwe Ciano no sadino ditoy na met a naduklatan a tumtumpaw ti tatang iti nasao a karayan.
Dagus met a nagkiddaw daytoy iti tulong, rason a dagus a naitaray iti Itogon District Hospital ti biktima nga indeklara daytoy ti attending physician a dead on arrival.
Iti agdama, manarimaanen ti imbestigasyon tapno maduktalan ti rason ti pannakalmes ti nadakamat a biktima.
