--Ads--
Puntiria ti Department of Budget and Management (DBM) a ti panagadal para iti posible a pannakaipangato ti sueldo dagiti mangmangged iti gobierno ket makumpleto iti ngudo ti Hunio iti agdama a tawen.
Iti statement ti nasao nga ahensia, maipinpinal ti panagbalbaliw ti sueldo dagiti mangmangged babaen iti Compensation and Benefits Study.
Karaman kadagiti ad-adalenda ket ti agdama a “compensation system” pakairamanan ti sueldo, benepisio, ken allowance dagiti mangmangged.
Apaman a maipinal daytoy, ipaay ti Budget Department ti resulta iti Department of Budget and Management ken iti Governance Commission of GOCCs.
