BAGUIO CITY -Nangrugin ti panagawat ti Bureau of Fisheries and Aquatic Resources- BFAR Cordillera kadagiti estudiante nga agaplikar iti Fisheries Scholarship Program (FSP) para iti Academic Year 2023-2024.
Ti nasao nga scholarship grant ket para kadagiti estudyante a nagturpos iti High School wenno sekondarya a mangala iti kurso a Bachelor of Science in Fisheries.
Addaan daytoy iti tallo a klase kas iti Fisheries Industry Leader Grant (FILG) a para kadagiti estudyante a nagturpos wenno agturpos iti Senior High School nga adda iti Top 10.
![](https://img.bomboradyo.com/baguio/2022/05/bfar-scholarship.jpg)
Maikadua ti Fisherfolk Children Educational Grant (FCEG) para kadagiti annak dagiti mangngalap a nakarehistro iti Juan Magsasaka Registration System wenno FishR ken masapul nga addaanda ti general weighted average (GWA) nga 80% nga agpangato.
Para met kadagiti miembro ti ti Indigenous Peoples wenno Indigenous Cultural Communities nga addaan GWA a 75% nga agpangato idi nagturpos iti high school ti FSP Indigenous Cultural Communities/Indigenous Peoples grant.
Nasken laeng nga ipasa ti aplikasyon ken kaskenan a dokumento iti BFAR Car wenno kadagiti Provincial Fishery Office iti rehiyon ken agpatingga ti aplikasion intun Agosto 31, 2022.