--Ads--
Napagsasaritaan iti social media ti signage iti drop-off zone iti airport idiay New Zealand a mangibagbaga a maximum a tallo a minuto a mapalubosan dagiti pasahero ken drayber nga ag-arakup wenno ag-farewell hugs.
Sigun kenni Dan De Bono, Chief Executive ti airport, ti sumagmamano gamin a panangpakada dagiti tattao iti drop-off zone ket nabayag unay.
Innayonna a maipatungpal daytoy tapno maipaayan ti gundaway ti dadduma pay nga indibidual a makapakada iti ayayatenda iti biag.
Para met kadagiti kayatna iti at-attidog a farewell moment, mabalin nga agturong iti parking lot ti airport a libre iti umuna a sangapulo ket lima a minuto a panagaramat.
