Naipasan ti gakat a mangiparparit iti panagusar ti cellphone iti uneg ti classroom idiay South Korea.
Panggep daytoy a pasardengen ti nalabes a panagaramat iti social media ken malapdan ti kumarkaro a kaso ti smartphone addiction kadagiti agtutubo.
Ti nasao a linteg nga ag-epektibo into Marso 2026 ket iparparitna ti panaggaramat kadagiti smart devices kas iti cellphone iti uneg ti klase.
Nupay kasta, maipalubos latta daytoy kadagiti estudyante nga addaan iti disabilidad wenno special needs nangruna nu mausar daytoy iti educational purposes.
Sigun iti Ministry of Education ti Seoul, ti baro a regulasyon ket mangipaay iti legal a basaran tapno malimitaran ti panangitugot ken panagaramat kadagiti nasao a gadget iti uneg ti pagadalan kas proteksyon iti karbengan dagiti estudyante nga agadal a nasayaat ken masuportaran ti panagisuro dagiti mannursuro.
