![](https://img.bomboradyo.com/baguio/2020/04/34-1.jpg)
BAGUIO CITY – Mapalubusanen nga agawid dagiti residente ti Baguio nga stranded wenno napupuk iti nagduduma a probinsia ken siudad ditoy pagilian.
Puntirya ti Returning Baguio Residents Task Force a marugian ti panakailukat ti siudad kadagiti Returning Baguio Residents inton May 21 wenno aldaw ti Huwebes inton sumaruno a lawas.
Naamuan a nabukel ti Returning Baguio Residents Task Force tapnu adda ti mangtutok iti panagawid dagiti nasao nga indibidual.
Naibinsa-binsa dagiti kaskenan a dokumento a kasapulan nga ipakita dagiti agtartarigagay nga agawid ditoy siudad kas ti Health Declaration Form ken dadduma pay.
Apaman a maaprobaran ti aplikasyon iti panagawid ti Returning Baguio Residents ket maimpormaran dagitoy iti aldaw ti panagawidda ditoy siudad.
Dagus met a maipasidong iti triage dagiti Returning Baguio Residents a makasangpet ditoy siudad ken sadiay a makedngan no mai-quarantine-da iti holding facility wenno maipasidongda iti home quarantine.
Ipangruna met ti siudad dagiti Returning Baguio Residents nga addaan ti bukod a pribado a lugan nga addaan ti kompleto a dokumento.