--Ads--
BAGUIO CITY – Agtultuloy ti panagbaba ti bilang dagiti krimen sadiay Benguet ita a maipatpatungpal ti enhanced community quarantine (ECQ).
Sigun kenni Benguet Police Provincial Office Director Elmer Ragay, nairekord ti 32 a crime volume iti probinsia manipud Marso 16 aginggat April 24.
Kinunana a nababbaba daytoy iti 725 percent no idilig iti 264 a kaso iti kapada a panawen idi 2019.
Maibasar pay iti rekord ti Benguet PNP, nailista ti dua laeng nga index crimes ita a panawen ti ECQ no idilig iti 72 a kaso idi napalabas a tawen.
Nairekord met laeng ti 30 a non-index crimes ita manipud iti 192 idi napalabas a tawen.
Gapu iti daytoy, impannakkel ni Ragay nga 81 porsiento ti kina-epektibo ti crime solution iti probinsia ti Benguet.
