BAGUIO CITY – Agtultuloy ti panagbakuna kontra iti COVID-19 kadagiti health workers sadiay Benguet General Hospital babaen iti initiabo ti Department of Health (DOH)-Cordillera.
Inwaragawag ti DOH-Cordillera a daytoy ti maikatlo nga aldaw a panakaisayangkat ti panagbakuna ken agpatingga daytoy iti maika uppat nga aldaw.
Puntirya dagitoy a mabakunaan ti agarup 100 a health workers ita nga aldaw tapno makompleto ti 500 a bilang dagiti health workers a mabakunaan iti BeGH.
Immunan a dinakamat ni BeGH Chief Dr. Meliarazon Dulay nga agarup 560 ti pakabuklan a bilang dagiti health workers sadiay ngem 500 laeng ti pimmasa nga umawat iti SINOVAC vaccine.
Inlawlawagna met a normal laeng a dumagsen ti ima dagiti mabakunaan ngem kinunana nga awan ti naawatna a reklamo seknan iti negatibo nga epekto ti nasao a bakuna manipud kadagiti nabakunaan a health workers
