Imbilin ti Department of the Interior and Local Government (DILG) ti preemptive evacuation kadagiti residente nga agnanaed kadagiti coastal areas a naapektaran iti tsunami warning a naipaulog kalpasan ti 8.8 a ginggined sadiay Russia.
Imbilinda pay kadagiti amin a local chief executives kadagiti apektado a lugar a pagbakwitenda dagiti residente nga agnanaed kadagiti asideg ti baybay kasta metten nga ipaingetda ti critical preparedness measures para iti tsunami warning.
Naiyunay-unay metlaeng ti pannaka-activate kadagiti emergency operation centers, incident management teams ken ti dagus a panakaipasdek dagiti evacuation routes, directional signs, ken safety zones para iti seguridad ti publiko.
Immunan a nagballaag ti Philippine Institute of Volcanology and Seismology (PHIVOLCS) iti publiko iti eastern side ti Pilipinas agsipud ta possible a mapasaran ti tsunami gapu iti ginggined sadiay Kamchatka, Russia.
