BAGUIO CITY – Naipalubos ti panagbiyahe dagiti amin a taxi ken parapasahero a jeep ditoy Baguio City inton December 30, 2020 agingga January 1, 2021.
Sigun kenni Baguio City Mayor Benjamin Magalong, daytoy ket tapno maipaayan iti serbisyo dagiti adu a tao nga agur-uray iti lugan.
Kinunana a naobserbaran ti atiddog unay a pila idi December 24 agingga idi kalman isut gapuna a kasapulan a mailukat ti panagbiahe dagiti amin a taxi.
Imbinglayna a mapalubusan metlaeng ti panagbiahe dagiti amin a parapasahero a jeep ngem mapalubusan laeng dagitoy iti alas-kwatro ti malem tapno saan a mangitunda daytoy iti parikut iti trapiko.
Nupay kasta, impettengna nga epektibo latta ti number coding scheme tapno saan unay a marigatan dagiti otoridad a mangimando ti gunay ti trapiko.
