--Ads--
Kinumpirmar ni Department of the Interior and Local Government (DILG) Secretary Jonvic Remulla nga adda iti naalada nga intelligence report maipapan iti saanen nainaganan a local terrorist group a nanggandat a mangbomba iti People Power Monument ken idiay Luneta kagiddan ti naipatungpal a tignay-protesta idi Domingo.
Nupay kasta, saan a nagballigi dagitoy gapu iti nainget a panagbantay dagiti kameng iti pulisya kadagiti nakaangayan dagiti rally a pinasetan dagiti rinibribu nga indibidwal.
Gapu iti nasao a pangta, kinuna ni Remulla nga adda dagiti contingency measures a posible nga isaganada.
Iti agdama,agtultuloy ti imbestigasyon nga ipatpatungpalda seknan iti daytoy ken manamnama nga iwaragawagda ti report kadagiti sumarsaruno nga al-aldaw.
