Pinaglibakan ti Land Transportation Franchising and Regulatory Board (LTFRB) ti posible a panagngato ti plete iti baet ti pannakaipatungpal ti public utility vehicles (PUV) modernization program.
Sigun kenni Teofilo Guadiz III, Chairperson ti Land Transportation Franchising and Regulatory Board (LTFRB), agtalinaed ti agdama a plete ti jeepney, agsipudta awan ti basaran ti panakaipatungpal ti panagngato daytoy para kadagiti public utility vehicles (PUVs).
Impaganetget ti nasao nga opisial, a masapul a maikonsiderar dagiti implasion ken gastos ti gasolina sakbay nga aprobaran ti ahensia ti baro a panagngato ti plete.
Kasaruno daytoy iti immun-una nga inwaragawag ti local chapter of transport group PISTON a posible a kiddawen dagiti drayber ti jeepney ti nangatngato a plete, agingga iti P25 gapu iti pinansial a pressure ti panaggatang kadagiti modern jeepney units.
