Imbinglay ni Senator Rodante Marcoleta a saanna pay a panpanunuten ti maipapan kadagiti maisingsinagsing nga agbalin daytoy a running mate ni Vice President Sara Duterte iti 2028 elections.
Sigun kenni Senator Marcoleta, ipangpangruna-na iti agdama ti inawaganna a “quest for correction.”
Patien ni Senator Marcoleta nga adu dagiti kasapulan a mailinteg pakairamanan iti Senado ken dagiti sigud a justices iti Korte Suprema.
Impetteng ti Senador a saanna nga ammo nu kaano daytoy a malpas kadagiti kasapulanna nga ilinteg rason a makumikom.
Maipalagip nga opisyal nga inawaragawag ni Vice President Sara Duterte idi February 18 ti tarigagayna nga agtaray iti kinapresidente iti nasao nga eleksyon.
Kasaruno dayta, adu dagiti nangisingasing kadagiti mabalin a running mate ti bise presidente partikular dagiti adda iti minority bloc iti Senado pakairamanan da Senator Imee Marcos,Senator Robin Padilla, kasta metten ti Senator Rodante Marcoleta.
