BAGUIO CITY – Bambantayan ita ti Highway Patrol Group (HPG)-Cordillera ti “LABAS KASA SCAM” a modus operande dagiti sindikato tapno makabiktimada ti dadduma a tao.
Iti interview ti Bombo Radyo Baguio, kinuna ni PMAJ. Peter Dapliyan, spokesperson ti HPG Cordillera nga adda ti nawanawananda a grupo a mangipatpatungpal iti nasao a modus operande.
Impetteng ni Dapliyan a bambantayanda metlaeng ti RENT SANGLA RENT TANGAY a modus dagiti sindikato no sadinno ag-hire dagiti indibidual wenno grupo ti lugan ngem ilakoda iti daduma nga indibidual iti nababbaba a presio.
Ibalbalakad ni Dapliyan a makikoordinar pay ti publiko iti opisina ti HPG-Cordillera sakbay a maadaanda ti financial transaction kadagiti sellers nangruna kadagiti second hand a lugan tapno maipasigurado a saan a mabiktima dagitoy iti modus dagiti sindikato.
