--Ads--
Impakaamo ti Commission on Elections (Comelec) a mabalin a suspindirinda ti sumagmamano a panagsagana nga isaysayangkatda para iti barangay ken Sangguniang Kabataan elections (BSKE) kalpasan a pinasingkedan ti Kongreso ti bicameral conference committee report a nangitantan iti eleksion.
Sigun kenni Comelec Chairman George Garcia, addan ti naituding nga emergency meeting da inton sumaruno a lawas mainaig iti nasao a banag.
Kinunana pay a mabalin a suspindirinna ti voter’s registration a naikeddeng manipod Hulio a 1-11.
Mabalin a mabaliwan ti dadduma pay a proseso ti panaggatang para kadagiti metal ballot boxes para iti manual a panagbutos gapu iti nasao a panagbaliw.
