Idagdagadag ti environmental group nga EcoWaste Coalition iti gobierno ken komunidad nga ipamaysa ti nasapsapa a panagplano ti danum, panangsalimetmet, ken patas a pannakaiwaras ti danum imbes nga agpanic-buying kadagiti bottled water ken plastic containers.
Daytoy ket kagiddan ti panagsagana iti posible nga El Niño iti pagilian.
Sigun kenni EcoWaste Coalition program manager ken environmentalist Jove Benosa, rumbeng a rugian dagiti otoridad ti mapping kadagiti pagtataudan ti danum, panangpattapatta iti suplay ken dadduma pay.
Impeksa ni Benosa a rumbeng a maipaayan iti atensyon dagiti nalaka a maapektaran a komunidad, nangruna dagiti limitado ti suplayda iti danum ken dagiti residente a kasapulan a magna iti adayu tapno agsakdo iti danum.
Maisingsingasing dagiti nasao nga addang bayat a papapigsaen ti Department of Environment and Natural Resources (DENR) ti panagsagana para iti El Niño, pakairamanan ti kanayonan a pagtaudan ti danum, rainwater harvesting, pannangsimetmet iti danum ken pannakasalaknib kadagiti watershed.
