BAGUIO CITY – Agpalpalagip ti Baguio City Police Office kadagiti drinking establishments ditoy syudad seknan iti panagtungpal latta dagitoy kadagiti health protocols ken pagalagadan iti panangiserbi iti arak kasaruno iti pannakawaswas ti liqour ban kagiddan iti pannakaipasidong ti syudad iti Alert Level 1
iti pannakiyuman ti Bombo Radyo Baguio ken BCPO CD Pol. Col. Glen Lonogan, panagdangran ti kangrunaan a kaso a mailislista a kaso ti syudad sakbay iti pandemya nga ituntunda ti nakaro a panaginum iti arak
gapu iti dayta, kinunana a pairtenganda ita ti panangipatungpalda iti oplan sita kadagiti balay paginuman ti syudad nangruna ta nawaya ita iti panangiserbi ken operasyon dagitoy innayunna a dagusda a pagawiden dagiti maobserbaran a nabartek ken ipaayanda iti notice of violation dagiti establishemento a saan nga agtungpal kadagiti health protocols nangruna iti social distancing
kagiddan iti dayta, agpalpalagip metlang ti opisyal kadagiti umili iti panangkontrol iti panaginumda iti arak a maysa kadagiti pagramramutan iti apa wenno gulo a makasinga iti linak ken kapya ti syudad
