BAGUIO CITY – Epektibo ita nga aldaw ti panagwanawan ti lokal a gobierno ti Baguio City kadagiti nabakunaan a PUV drivers.
Sigun kenni Engr. Juanario Burillo, Transportation and Traffic Management Head, nagtaripnongda idi kalman no sadino nairekomendar ti panangiparang dagiti saan a nabakunaan a drivers ti negatibo a resulta ti Antigen wenno RT-PCR test.
Kinunana a sumagmamano laeng dagiti saan pailaeng a nabakunaan a drivers kas maibasar iti datus ti health authority.
Inayonna a nairekomendar metlaeng ti panangimuntar dagiti drivers ti stickers kadagiti lugan kas panangilasenan a nabakunaanda kontra COVID-19.
Kagiddan iti daytoy, guyguyogoyen manen ni Burillo ti panagpabakuna dagiti saan pailaeng a nabakunaan a drivers tapno maprotektaranda kontra iti virus ken agtultuloy ti natalged a panagbiahe dagitoy.
