--Ads--
Napasamak ti maysa a vehicular traffic accident iti Bakakeng- Balacbac Bypass Road, pasado alas singko ti malem idi kalman.
Maibasar iti inisyal nga imbestigasyon, naawanan iti kontrol ti close van a pababa rason a nabanggana ti motorsiklo a pasang-at iti nasao a lugar.
Dagus met a naitaray iti ospital ti drayber ti motorsiklo bayat a nadadael ti motorna.
Kabayatanna, addan iti kustudiya dagiti pulis ti drayber ti closed van para iti kanayunan nga imbestigasyon.
Sigun kadagiti otoridad, kadawyan a kapaspasamakan ti aksidente ti nasao a lugar agsipud ta pababa daytoy ken medyo kurbada daytoy, ado met dagiti mabitbitin a motorista nangruna nu nagalis ti kalsada.//Jerwin
