![](https://img.bomboradyo.com/baguio/2021/04/WEIGHBRIDGE.jpg)
BAGUIO CITY – Isingsingasing ti Department of Public Works and Highways (DPWH) – Cordillera ti panakaipasdek ti weighbridges wenno truck scales iti nagbeddengan ti Benguet ken La Union.
Sigun kenni Engr. Nelia Antonio, Maintenance Division Chief ti DPWH-Crdillera, adda ti nabigbigda a disso iti paset ti Marcos Higway a mabalin a pakaibangonan ti nasao a weighbridges.
Kinunana a daytoy ket tapno maliklikan ti overloading a karga dagiti trucks nga agdaldalyasat iti nasao a kalsada.
Inlawlawagna a dagiti nadadagsen a lugan ti maysa a rason iti panakadadael dagiti kalkalsada.
Imbinglay pay ni Engr. Antonio a dumanon laeng iti 13 a tonelada ti nasken a kargaen dagiti trucks iti panagdalayasatda kadagiti kalkalsada.
Innayonna nga iti kanito nga agsobra dagiti karga dagiti trucks ket saanda a mapalubusan a sumrek iti Marcos Highway a pasang-at iti siudad ti Baguio ken iti probinsia ti Benguet.