![](https://img.bomboradyo.com/baguio/2019/07/Illegal-gambling.png)
BAGUIO CITY – Naipaayan iti 13 nga oras dagiti amin nga operators ti iligal a pasugalan ditoy siudad ti Baguio tapnu isardeng dagitoy iti operasyonda.
Inwaragawag daytoy ni Mayor Benjamin Magalong iti panagbitlana iti umuna nga aldaw a panagtugawna kas ama ti siudad.
Kinunana a kasapulan a maipasardeng amin nga operasyon ti iligal a sugalan iti panagtugawna kas mayor ti Baguio.
Innayonna a saanna a baybay-an ti operasyon ti iligal a pasugalan ditoy siudad ken tutukanda nga imbestigaran dagiti operators a mangibagbaga nga adda ti back-up dagitoy a sumagmamano a kameng iti lokal a gobyerno ken kameng ti pulisya.
Kinuna pay ni Mayor Magalong nga impaimanan ti panakaimplementar ti direktiba daytoy iti Baguio City Police Office ken ti pulisya ti siudad ti agsungbat iti kanito a mapaay dagitoy a mangiyemplementar iti nasao a pammilin. (-Bombo Maureen Bassit)