--Ads--
BAGUIO CITY – Mabalinen a maisserrek dagiti sibibiag a baboy iti probinsia ti Bengeut kalpasan a naisanod ti naipaulog a temporary lockdown idi February 7.
Daytoy ti kinumpirmar ni Governor Melchor Diclas ti probinsia ti Bengeut.
Maibasar iti naipaulog a Executive Order no. 2020-10, nupay mabalinen a maisserrek dagiti live pigs iti probinsia nasken nga agtungpalda iti Provincial Ordinance 18-227 wenno ti Animal Quarantine Regulation ti probinsia ti Benguet.
Naipaulog ti Executive Order 2020-10 idi February 14 ti agdama a tawen.
Maipalagip a nagpositibo ti probinsia ti Benguet ti African Swine Fever (ASF) virus partikular sadiay Beckel La Trinidad, Benguet ken Camp 1, Tuba Benguet.
