BAGUIO CITY – Mangisayangkat ti Inter-Agency Committee on Anti-Illegal Drugs (ICAD) – Cordillera iti capacity building activity kadagiti babbarangay para iti screening ken paka-ammo iti panangimaton kadagiti drug surrenderees iti rehion.
Idauluan ti Department of the Interior and Local Government (DILG) ken Philippine Drug Enforcement Agency (PDEA) ti panagsanay dagiti opisyal dagiti barangay seknan iti panangibangonda ti referral desk iti masakunda a komunidad.
Maipatungpal ti screening kadagiti referral desk ken ti panakabukel ti affidavit dagiti drug surrenderers.
Sakupen pay ti capacity building ti panakaipakaammo kadagiti programa ken serbisyo nga ididiaya ti nagduduma nga ahensia ti gobyerno a tumulong iti panangilinteg kadagiti simmuko a drug personalities tapno agbalinda a pagwadan a miyembro ti komunidad.
Maibasar iti kaudian a datus ti PDEA-Cordillera, dumanon iti 75 dagiti barangay nga apektado iti iligal a droga bayat a 741 dagiti nadalusanen ken 361 ti kasapulan pay a makumpirmar ken maipaayan ti drug-free certificate.
Maibasar met iti rekord ti Police Regional Office Cordillera, nasuroken iti 11, 300 dagiti drug surrenders iti rehion a bukbuklen ti nasurok 8,000 a nagturpos iti Recovery and Wellness Programn manipud Hulyo 1, 2016 agingga Abril 29, 2021.
