--Ads--
Kinumpirmar ni Vice President Sara Duterte a dumar-ay daytoy iti opening ceremony ti Palarong Pambansa a maangay inton Hulyo a Nueve idiay Cebu City Sports Center.
Malaksid iti nasao nga aktibidad, kinumpirmar metlaeng ti bise presidente ti panagatendar daytoy kadagiti daduma pay nga aktibidad kas ti National Learners’ Convergence, ken ti national press conference a maangay iti kapada metlaeng a bulan.
Maipalagip nga immunan nga insubmitir ni Vice President Duterte ti resignation letterna kas sekretarya ti Department of Education(DepEd) ken vice chair ti National Task Force to End Local Communist Armed Conflict nga agepektibo paylaeng inton Hulyo Dise Nueve.
