Narugianen idi kalman ti panangdadael dagiti otoridad ti pasdek a naaramat para iti operasion ti Philippine Offshore Gaming Operators iti sigud nga Island Cove idiay Kawit, Cavite.
Daytoy ti kadakkelan a POGO hub iti Pilipinas nga adda iti nasurok tallo pulo nga ektaria.
Naipaayan ti gundaway dagiti kameng ti media ken dagiti opisial ti lokal a gobierno a mangpasiar iti nalawa a lugar.
Tipikal a self-contained community ti POGO hub.
Adda ti bukodna a paggatangan, entertainment, panganan, warehouse, ken serbisio a naibangon sadiay, ken adda metlaeng dagiti villa a nasayaat a pagrelaksan dagiti mangmangged.
Kabayatanna, impaganetget ti Bureau of Immigration (BI) nga inton Disiembre 31 ti deadline dagiti ganggannaet nga empleyado ken operator dagiti POGO a pumanaw iti pagilian kas panagtulnog iti pammilin ni Presidente Ferdinand Marcos Jr. a mangiparit iti operasion dagitoy.
