BAGUIO CITY – Nainget ti panagbantay dagiti security guards iti Burnham Park tapnu maipanamnama nga awan kadagiti turista ti mangibangon iti tent iti masakupan ti parke bayat ti panangpadaanda iti highlight events ti Panagbenga inton Sabado ken Domingo.
Sigun kenni City Environment and Parks Management Office (CEPMO) Assistant Head Ruben Cervantes, kapaliiwanda a no addda dagiti dadakkel nga aktibidad iti siduad ket adda dagiti turista nga agibangon iti tent iti parke nga awanan iti pammalubos.
Inlawlawagna a maysa kadagiti rason iti nainget a panangipawilda iti nasao a banag ket gaputa mailabsing daytoy iti baro nga Environmental Code ti siudad ken awan ti nakalukat a comfort room nga aramaten dagitoy iti rabbi.
Kinunaana met a no adda ti pammalubos ti lokal a gobierno ket mabalin a mangibangon dagiti turista iti tent iti masakupan ti Burnham Park.
