Saan a patien ti common law partner ni sigud a president Rodrigo Duterte a ni Honeylet Avanceña ti sincerity ni Senator Imee Marcos iti panangimbestigarna seknan iti panakaarestar iti sigud a presidente.
Inladawan ni Avanceña a ti tignay ni Senator Marcos ket “pa-ekek” laeng, wenno maysa laeng nga empty talk.
Malaksid iti dayta, kwinestyunaran pay ni Avanceña ti saludsod ni Senator Marcos seknan iti kusto a napasamak iti panakaarestar iti sigud a presidente nu sadino, patien ni Avanceña a nalawag met a makita nu anya a talaga ti napasamak.
Maipalagip nga ibilbilang ni Senator Marcos ti bagina kas gayyem kadagiti Duterte partikular ken Vice President Sara Duterte ngem saan a nalawag nu kapada metlaeng ti kapanunutan ti bise presidente iti daytoy.
Kabayatanna, saan pay met a nangipaay iti sungbat ni VP Sara nu iyendorso daytoy ni Senator Marcos para iti tarigagayna a mabutusan manen inton umay nga eleksyon kasaruno ti opisyal a panaglusulos ti senadora manipod iti senate slate iti alyansa iti kabsatna a ni President Ferdinand Marcos Jr.
