Ikamkampanya ti Department of Information and Communications Technology (DICT) kenni President Ferdinand Marcos Jr., a maipaayan ti pammateg ti “digital connectivity” iti naituding a maikatlo nga State of the Nation Address (SONA) daytoy.
Sigun kenni DICT Spokesperson Atty. Renato Paraiso, natibker ti departamento iti panangitandudo iti pannakaparang-ay ti digital infrastructure ti pagilian.
Kas maibasar Telecom Review, ti “average broadband internet speed” iti Pilipinas ket agdama a maika-uppat a pulo ket maysa iti sangalubungan.
Gapu iti dayta, maikonsidera a dakkel a parikut daytoy gaputa ti “speed” wenno kinapartak ti internet ket masansan nga “inconsistent” ken limitado laeng.
Iti datos manipod iti nasao nga ahensia, 65% a populasion iti Pilipinas ket saan pay a konektado iti internet.
Sigun iti Statista Research Department, maysa nga international research company, 77.81% iti populasion ti Pilipinas ket maka-connect iti internet inton tawen 2028.
Iti panagadal ti Asian Development Bank, Pilipinas ti kababaan ti rate ti telecom towers iti Southeast Asian region nu sadinno kasapulan ti 60,000 a towers inton tawen 2031 iti nasulinek a lugar.
Maipalagip a suportado ni President Marcos Jr. iti panagpadur-as ti broadband connection ken proyekto iti pagiliann tapno madanon ti agarup 70 milyon a Pilipino inton 2026 iti sidong ti National Fiber Backbone Project.
