Pangpanggepen ni Pablo Gomuad, ti presidente iti Federated Parent-Teacher Association iti siyudad ti Baguio nga ipatungpal ti total banning ti vapes kadagiti nagduduma a pagadalan iti siyudad ti Baguio.
Sigun kenkuana, nakaam-amak ti negatibo nga epekto ti panagaramat iti vape iti salun-at dagiti ubbing.
Maibasar metlaeng iti obserbasyonna dakkel ti bilang dagiti ubbing nga agar-aramat kadagiti vapes no sadino daytoy ti kangrunaan a makitkitada a parikut kadagiti ubbing.
Gapu iti dayta, kinunana a makitinnulongda iti lokal a gobyerno iti siyudad ti Baguio tapnu matungpal daytoy a panggep.
Innayonna pay a daytoy a panggep ket maitunos iti programa metlaeng ti lokal a gobyerno iti siyudad ti Baguio tapnu agbalin ti City of Pines kas smoke free City.
Innayonna pay nga itultuloyda latta ti ipatpatungpalda nga information dissemination saan laeng a kadagiti ubbing ngem kasta metlaeng kadagiti padada a parientes tapnu mailklik dagiti estudyante iti daytoy a bisyo.
