BAGUIO CITY – Dumanon iti 130 a commercial building owners ditoy siudad ti naipaayan iti Notices of Violation kalpasan ti ilegal a panakaaramat ti parking space kas paset ti commercial spaces dagitoy.
Sigun kenn City Buildings and Architecture Office (CBAO) Engr. Stephen Capuyan, ilegal ken maikaniwas iti building and occupancy permits nga impaay ti lokal a gobierno ti inaramid dagitoy.
Kinunana a walo a building owners ti naka-comply iti panakaisublti ti parking spaces dagitoy, 13 ti naipaayan iti show cause oders para iti revocation ken cancellation iti permit iti building ken occupancy permit bayat a pending cases ken maur-uray ti aksion dagiti dadduma pay a negosiante.
Dinakamatna a naipaayan iti 60 nga aldaw dagiti building owners tapnu tungpalen dagiti paglintegan iti panakasibuli ti parking spaces sakbay a mangiruwar ti gobierno iti kaskenan pay nga aksion kadagitoy.
Immunan nga impasa ti City Council ti maysa a resolusyon a mangipangpangruna iti kiddawda iti opisina ti Mayor ken ti CBAO seknan iti inspection ken inventory dagiti commercial buildings ditoy siudad.
