APAYAO PROVINCE – Agtaltalinaed a panangrames ti kangrunaan a krimen iti probinsiya ti Apayao ita a tawen.
Daytoy ket iti baet a bimmaba iti 4.46% ti crime rate iti nasao a probinsiya.
Maibasar iti datus manipud Enero agingga Hunyo 2023, nairekord ti dua pulo ket dua (22) a krimen nu sadino kangrunaan ti panangrames dumanon iti sangapulo ket tallo (13) a bilang.
Nangatngato daytoy nu idilig iti dua pulo ket dua (21) a krimen nu sadino siyam (9) laeng ti kaso ti panangrames.
Daduma kadagiti crime incident ket car napping, murder, physical injuries, robbery, ken panagtakaw.
Kas addang iti nasao a pakaseknan, nainget nga ipatpatungpal dagiti kameng ti pulisya ti Apayao ti panagbisita kadagiti babaranggay, ken police presence.
Inyusuatda pay ti Joint Effort to Protect the Offspring of Apayao wenno project “JEPOY”.
Impaganetget met ni Governor Elias C. Bulut Jr. ti kinapateg dagiti agtutubo ken ti panakasalwad wenno protektar dagitoy para iti sumarsaruno nga henerasyon dagiti yApayao.
Iti agdama, maysa a pagpokusan dagiti maseknan nga otoridad ken ahensiya ti panakaprebentar ti kaso ti panangrames iti nasao a probinsiya.
