--Ads--
Inwaragawag ni Justice Secretary Jesus Crispin Remulla a mairugi ita a tawas ti panangsapol kadagiti mapukpukaw a “sabungeros” wenno cockfight enthusiasts idiay Taal Lake.
Agkiddaw dagitoy iti tulong kadagiti Philippine Coast Guard ken dadduma a government agencies.
Sigun kenni Remulla, sukimatenda paylaeng dagiti kondisyon tapno makaaramidda iti plano para iti nasao nga operasion.
Silulukat metlaeng ti National Bureau of Investigation nga ipaay ti “technical expertise” dagitoy kasta met iti pannakaaramat ti lie detector test ken DNA analysis.
Kabayatanna, umanamong ni Remulla iti kinuna ni Philippine National Police chief General Nicolas Torre III a posible a naitabon dagiti biktima iti dadduma a lugar, malaksid iti Taal Lake.
