![](https://img.bomboradyo.com/baguio/2021/01/sakura-atok.jpg)
BAGUIO CITY – Nagdesisyon ti lokal a gobierno ti Atok, Benguet a saan pay a maituloy ti panggep dagitoy a mangilukat kadagiti aktibidad ti turismo sadiay inton Oktubre
Sigun kenni Atok Mayor Raymundo Sarac, saanda pay nga ituloy ti plano dagitoy gapu iti killaat a panagngato iti kaso ti COVID19 iti masakupanna a munisipyo.
Gapu iti daytoy, nairaman ti Atok kadagiti munisipyo a naideklara kas high risk iti COVID-19 kas maibasar iti listaan ti Benguet Provincial Health Office .
Kinuna pay ti mayor a posible a manayunan ti makaptan iti COVID-19 no ipilit da a mailukat dagiti nagduduma a tourist spot sadiay.
Nupay kasta, impanamnamana a mailukat ti turismo sadiay para kadagiti local tourist iti kanito a bummaba ti bilang dagiti makapkaptan iti COVID19 virus.