Supsuportaran ti grupo dagiti konsumer ti singasing a pannakaamyendar ti National Building Code of 1977 a pannakaikkat ti lease fees kadagiti cell sites tapno mapababa ti babayadan iti internet iti pagilian.
Sigun kenni Bantay Konsyumer, Kalsada, Kuryente (BK3) Secretary General Pet Climaco, ti lease fees ket isupay a mainaynayon a paggastosan dagiti internet service providers.
Maibasar iti 2024 World Bank, ti internet connectivity iti Pilipinas ti kanginginaan iti entero a Southeast Asian region ngem nabunbuntog met nu idilig iti Singapore, Thailand, Malaysia, Vietnam, ken Brunei.
Gapu iti daytoy, kidkiddawen dagiti konsumer iti kongreso ti dagus a pannakaipasa ti House Bill 8500 wenno ti singasing a New Philippine Building Act para iti pannakaamyendar ti the National Building Code.