Insingasing ni Senator Erwin Tulfo a maikkat ti Pantawid Pamilyang Pilipino Program (4Ps) ken masukatan iti pannakaipaay ti livelihood capital para kadagiti nakurapay a pamilya iti pagilian.
Sigun iti chairman ti Senate Committee on Social Justice, Welfare, and Rural Development, daytoy ti mangikkat iti maipadpadamag a panang-abuso iti 4Ps program.
Sigun pay kenni Tulfo, sumagmamano a 4Ps members ti mangkayat a maipaayan dagitoy iti livelihood capital no iti monthly cash transfer.
Inlawlawag ni Tulfo a babaen iti maipaay a capital, mabalin a pangrugianda iti negosyo a makatulong iti ekonomiya ti pagilian.
Kabayatanna, impeksa ti nasao nga opisial a saan a patas ti nasao a programa kadagiti nababa ti sueldona kas kadagiti security guard, janitor, wenno house helpers gaputa saanda a kualipikado.
Panggep ti senador a pagsasaritaan daytoy a singasing inton makipagkita kada President Ferdinand Marcos Jr. ken ni DSWD Secretary Rex Gatchalian.
