Balligi a naispal dagiti siam nga indibidual a na-trapped iti uneg ti elevator ti PRC-CAR Regional Office iti siudad ti Baguio idi March 26, 2026.
Kasaruno daytoy iti panagresponde ti BFP personnel kalpasan a nakaawatda ti report seknan iti insidente ti elevator entrapment.
Nasarakan dagiti otoridad ti siam nga indibidual a natrapped iti uneg ti elevator a nagserra iti first floor ti nasao a pasdek.
Amin dagitoy ket adda iti natalged a kasasaad ken awan ti nadangran.
Iti pannakiuman ti Bombo Radyo kenni FO3 Kipler Mayomis Balagsa ti BFP Baguio, kinunana nga overloading ti rason iti napasamak nga insidente.
Sigun kenkuna, balligi a naluktan ti elevator babaen iti technical adjustments ken tulong metlaeng dagiti maintenance personnel ti nasao a pasdek.//mp4
