Idagdagadag ni Rocky Aliping, councilor ken Presidente ti liga ng mga barangay iti siudad ti Baguio ti pannakaipangato ti garbage fee iti siudad ti Baguio tapno makatulong kadagiti baybayadan ti General Services office.
Iti exclusive interview ti Bombo Radyo kenkuana, kinunana a nangisumitiren dagitoy iti resolution City Council seknan iti garbage fee.
Panggep daytoy a manayunan ti pundo ken tapno mapagtalinaed ti panangimanehar iti basura.
Malaksid iti dayta,tapno mapagtalinaed ti siudad ti Baguio kas maysa kadagiti Cleanist City iti Southeast Asia.
Gapu iti dayta, maisingsingasing a ngumato ti garbage household fee iti P100 manipud iti sigud a P20 bayat a ti sharing’s fee met ket sag-50% ti siudad ken dagiti barangay.
Kabayatanna, al-allukuyenna met ti publiko a makipaset iti umuna nga assembly meeting dagiti babbarangay ita a tawen.
