BAGUIO CITY – Isingsingasing ita ti Benguet Provincial Election Office iti pannakaipatakder ti cell site sadiay Tacadang, Kibungan Benguet
Kasaruno daytoy iti napasaran a parikot mainaig iti kinaawan ti signal iti kaleppas nga eleksyon
Sigun ken Provincial Election Supervisor Atty. Dexter Cawis, dakel a tulong daytoy tapnu maadaan ti signal ti komyunikasyon sadiay.
Kinunana a tunggal eleksyon ket kanayon a maudi ti Barangay Tacadang a mangitransmit iti resulta ti botos gapu ta awan ti signal iti nadakamat a lugar.
Malaksid iti dayta, parikot met laeng ti signal sadiay Badeo gapu ta masapol a maibirbirok ti lugar sakbay a makaipatulod iti komyunikasyon.
Maipalagip a ti Tacadang ken Badeo ket kaadayuwan a barangay iti munisipyo ti Kibungan, Benguet.
