BAGUIO CITY–Ad-adda a naingetan ti panakaisayangkat ti contact tracing ken re-testing ditoy Baguio City kasaruno ti panakailista ti umuna a kaso ti B117 UK Variant ti COVID-19.
Sigun kenni Mayor Benjamin Magalong, iwanwanawanda ita ti resulta ti contact tracing kadagiti nakapulapol ti 30-anyos a babai a nakaptan ti UK variant nu sadinno naamoan a nagpositibo daytoy iti COVID-19 idi Pebrero 12 ngem nakarekober idi Pebreroo 23.
Iti baet ti dayta, mangnamnama ti Mayor a babaen kadagiti re-testing ket maduktalan nu nakaptan dagiti nakapulapol ti pasyente wenno ti posible a rason ti nagtaudan ti nasao a variant nangruna ta awanan met iti travel history wenno aniaman a contact daytoy iti UK variant cases ditoy rehiyon.
Maibasar iti datus, 98 ti pakabuklan nga nakapulapol ti pasyente nga iti agdama ket iwan-wanawan dagiti otoridad.
