Imbilin ti Muntinlupa Regional Trial Court Branch 205 ti pannakaipaulog ti Writ of Habeas Data a mangbilin iti filmmaker a ni Darryl Yap nga isardengna ti mangipost kadagiti teaser video, promo materials ken panangiruar iti pelikula a “The Rapists of Pepsi Paloma.
Immuna metten a nangipaay iti reaksion ti director ti “The rapist of Pepsi Paloma” kalpasan a nangipila ti TV Host ken aktor a ni Vic Sotto iti 19 counts a Cyber libel kontra kenkuana.
Maibasar iti impablaak ni Darryl a reaksionna iti social media, kinunana a karbengan ti asino man a mangipila iti reklamo.
Nupay kasta, impaganetget ni Darryl nga ammo dagiti tattao idi ti kinaagpayso iti isyu seknan iti mapapati a panagrames ni Vic Sotto kenni Pepsi Paloma idi tawen 1985.
Maipalagip a nagramot ti isyu iti nagbaetan ti direktor a ni Darryl Yap ken ti Aktor a ni Vic Sotto gapu iti pelikula a “The Rapist of Pepsi Paloma” no sadino, nabanggit ti nagan ni Vic Sotto a nangrames idi daydi Pepsi Paloma.
